அழியும் வரலாறு

என்னத்த சொல்ல மக்களின் மூட நம்பிக்கைக்கு அளவே இல்லாம போச்சு......

------------------------------------------------------------------
வழக்கம் போல் கடைக்கு வந்த வாடிக்கையாளரிடம்..அன்ணே உங்க ஏரியாவில் ஏதாவது கல்வெட்டு பழைய சிலை ஏதாவது இருக்கான்னு கேட்டேன்...
அவர் காடு,இருப்பிடம் எங்க ஊரில் இருந்து 10 கி.மீ தொலைவில் புளியங்குறிச்சி தாண்டி அய்யனார் பாளையம் பாரஸ்டுக்கு பக்கமா இருக்கு.....
அவர் எனக்கு நல்ல பழக்கம்...கொஞ்ச நேரம் யோசித்து விட்டு சொன்னார்....நீ கேட்பதால் இதை சொல்லுறேன்...வேறு யார் கேட்டிருந்தாலும் இதை சொல்லியிருக்க மாட்டேன் என சொல்ல துவங்கினார்...
ஒரு 40 வருசத்துக்கு முன்னாடி எங்க காட்டு பக்கம் ஒரு 6 சிலைக்கு பக்கமா காட்டுக்குள் இருந்திச்சி...அப்ப ஒரு சமயம் மழை இல்லாமா ரொம்ப வறட்சியா இருந்திச்சி....அப்ப சிலர் ..இந்த சிலை காட்டுக்குள் இருப்பதால்தான் மழை பெய்யலன்னு சொல்லிட்டு இருந்தாங்க....
இதை மூக்கறு சிலைன்னும் சொன்னாங்க...
ஒரு கட்டத்தில் மழை இல்லாமல் ரொம்ப வறட்சி வந்தபோது நாங்க அந்த சிலையை புடுங்கி ஒரு சாக்கில் வைத்து கட்டி...சின்னசேலம் போய்..அங்கு வந்த ரயிலிலில் உள்ள பெட்டியில் அந்த சிலைகளை போட்டுவிட்டு வந்திட்டோம் என சொன்னார்.......
என்னத்த சொல்ல எப்படி எப்படியோ அழியுது நம்ம வரலாறு.. frown உணர்ச்சிலை

— பிரிந்ததுபோல உணர்கிறார்.

ஆறகளூர் மகதை தேசத்து சதி கல்

---------------------------------------------------------

இன்னிக்கி வாழ்கையில் ரொம்ப மகிழ்சியான நாள்..கடைக்கு வரும் வாடிக்கையாளர் ஒருவரிடம் உங்க வீட்டு பக்கம் ஏதாவது பழைய கல்லில் எழுத்து அல்லது சிலை ஏதாவது இருக்கான்னு கேட்டேன்..கொஞ்சம் யோசித்து விட்டு எங்க காட்டுக்கு பக்கத்தில் ஒரு குச்சிகாட்டுக்குள் ஒரு சிலை இருக்குன்னு சொன்னார்..இன்னிக்கி காலையில் எழுந்தவுடன் முதல் வேலையா அந்த காட்டை நோக்கி ஓடினேன்..அரைமணி நேர தேடலுக்கு பின் அந்த இடத்தை கண்டுபிடித்தேன்...வசிஷ்டநதியின் ஓரத்தில் ஒரு கிழங்கு குச்சி காட்டின் நடுவே கணவனும் மனைவியும் தம்பதி சமயதராய் என்னை பாத்து சிரித்தார்கள்.ஏண்டா பேராண்டி எங்களை பாக்க வர உனக்கு இவ்வளோ வருசமாச்சா..? நம்ம மகதை தேசத்துக்கு நான் செய்த பணியை சொல்லுடா என சொல்லாமல் சொன்னார்...என் புருசன் போன பின்னடி நான் வாழ்ந்து என்ன சாதிக்க போறன்னு அவரோடையே போயிடலான்னு அவர் கூடவே போயிட்டேன் என்று சொன்ன மாதிரி தோணுச்சி..
ஆடை அணிகலன்களை பாக்கும் போது உயர்ந்த பொறுப்பில் இருந்த போர்படை தளபதி ,செல்வந்தர் மாதிரி தோணுது....
இது நடுகல்லா அல்லது சதி கல்லா????
இது சதிகல்தான் என உறுதிபடுகிறது..

சேலம் நாமக்கல் ஒன்றாய் இருந்த ஒருங்கிணைந்த சேலம் மாவட்டத்தில் இருக்கும் கல் வெட்டுக்கள் விபரம்

சேலம் நாமக்கல் ஒன்றாய் இருந்த ஒருங்கிணைந்த சேலம் மாவட்டத்தில் இருக்கும் கல் வெட்டுக்கள் விபரம்

ஆத்தூர் வட்டத்தில்----------------------------------------------80 கல்வெட்டுக்கள்
இராசிபுரம் வட்டத்தில்------------------------------------------- 27 கல்வெட்டுக்கள்
ஓமலூர் வட்டத்தில்------------------------------------------------35 கல்வெட்டுக்கள்
சேலம் வட்டத்தில்-------------------------------------------------- 54 கல்வெட்டுக்கள்திருச்செங்கோடு வட்டத்தில்----------------------------------- 81 கல்வெட்டுக்கள்நாமக்கல் வட்டத்தில்--------------------------------------------- 73 கல்வெட்டுக்கள்

இது வரை படி எடுக்கப்பட்டுள்ளன..
இவற்றில் திருச்செங்கோட்டுக்கு(81) அடுத்தபடியாக ஆத்தூர் வட்டத்தில்தான் அதிக கல்வெட்டுக்கள் உள்ளன..அதிலும் ஆத்தூர் வட்டத்தில் உள்ள ஆறகழூரில் மட்டும் மொத்தம் 48 கல்வெட்டுக்கள் உள்ளன..

சேலம் மாவட்டத்தில் மன்னர்கள் வாரியாக கல்வெட்டு விவரம்

சேலம் மாவட்டத்தில் மன்னர்கள் வாரியாக கல்வெட்டு விவரம்

சோழர்கள் ஆட்சி காலம் --------------------------------90 கல்வெட்டுகள்
பாண்டியர்கள் ஆட்சி காலம் -----------------------------57 கல்வெட்டுகள்
விஜயநகர ஆட்சி காலம் ------------------------------ 63 கல்வெட்டுகள்

ஓய்சாளர்கள் ஆட்சி காலம் ------------------------------ 10 கல்வெட்டுக்கள்
கொங்கு சோழர்கள் ஆட்சி காலம் -------------------- 4 கல்வெட்டுக்கள்கொங்கு பாண்டியர்கள் ஆட்சி காலம் ------------- 2 கல்வெட்டுக்கள்

இவற்றில் சோழர்களில் முதலாம் இராசேந்திரன், மூன்றாம் குலோத்துங்கன் காலத்திய கல்வெட்டுகள் அதிகம் உள்ளன..
பாண்டியர்களில் முதலாம் சடையவர்ம சுந்தர பாண்டியன், இரண்டாம் சடைய வர்ம சுந்தர பாண்டியன் கல்வெட்டுக்கள் அதிகம் உள்ளன..
விசய நகர பேரரசின் கல்வெட்டுக்கள் கி.பி. 16,17 ஆம் நூற்றாண்டுகளில் அதிகம் உள்ளது.

வன்நெஞ்சன் நில அளவு கோள்

வன்நெஞ்சன் அளவு கோள் 

--------------++------++++++++++++

இன்றைக்கு நாம் நிலங்களை அளக்க அடி கணக்கை பயன்படுத்துகிறோம். 13ஆம் நூற்றாண்டில் ஆறகழூரில் வன்நெஞ்சன் என்ற அளவு கோல் பயன்படுத்த ப்பட்டுள்ளது.அது ஆறகளூர் காமநாதீஸ்வரர் கோயில் ஆறை நாயகன் மண்டப தூணில் செதுக்கப்பட்டுள்ளது

            இந்த அளவு கோல் என் ஊர் ஆறகழூர் காமநாதீஸ்வரர் கோவில் மண்டபத்தில் உள்ளது..இது பற்றி கல்வெட்டிலும் குறிப்பு உள்ளது..கல்வெட்டில் கோவிலுக்கு தானமாக கொடுக்கப்பட்ட நிலம் வன்னெஞ்சன் என்ற அளவு கோலல் அளக்கப்பட்டதாய் சொல்லப்பட்டுள்ளது..எங்கள் ஊரை தலை நகராக கொண்டு ஆண்ட வாண கோவரையர்கள் சோழர்களின் கீழ் குறு நில மன்னர்களாய் இருந்தவர்களே..எங்கள் ஊருக்கு அருகே உள்ள கூகையூர் கோவிலிலும் இதே போன்ற அளவு கோல் செதுக்கப்பட்டுள்ளது

       

       ஒரு தூணின் மூன்று புறங்களில் இது செதுக்கப்பட்டுள்ளது..

அம்மாயிரம்மன் எருமை கிடா பலி நிகழ்சி

நேற்று ஆறகழூர் அம்பாயிரம்மனுக்கு பெரியேரி கிராம மக்களால் எருமை கிடா பலி கொடுக்கப்பட்டது

நிச்சயமாய் இது நல்லதில்லைதான்...ஆனா பல நூற்றாண்டுகளுக்கு முன் துர்க்கைக்கு இப்படி பலி கொடுத்துள்ளார்கள்...இது வரலாற்றின் எச்சம்..ஒரு உயிர் போவது சங்கடம்தான்..ஆனாலும் பல பழக்கங்கள் நடைமுறைகள் தொடர்வது அந்த கால மக்களின் வாழ்கை முறையை அறிய உதவுகிறது

      

       ஒரு உயிர் அநியாயமாய் பலியாகிறது .எந்த கடவுளும் உயிர் பலி கேட்பதில்லை..அப்படி கேட்டால் அது இரக்கமுள்ள கடவுள் அல்ல..மனிதன் தன் எண்ணங்களை தான் நடத்தும் நிகழ்சியில் புகுத்தி விடுகிறான்..

தமிழ் எழுத்துடன் கூடிய மைல் கல்

தமிழ் எழுத்துடன் கூடிய மைல் கல்
இது சேலம் அருங்காட்சியகத்தில் உள்ளது

தேனி மாவட்டம் தேவதானப்பட்டி அருகே உள்ள குள்ளப்புரத்தில் பழங்கால எல்லைக்கல் கண்டுபிடிக்கப்பட்டுள்ளது. இங்கு பாண்டிய மன்னர்கள், சோழ மன்னர்கள், நாயக்க மன்னர்கள் காலத்தில் கட்டப்பட்ட கோயில்கள் பல உள்ளது. அப்பொழுது ÷ காயில்களின் நிலங்களுக்காக எல்லைக்கல் நடப்பட்டது. குலப்பிரமாணம் என்ற அளவை முறை மட்டும் அப்பொழுதிருந்ததால் நான்கெல்லைகளாக நஞ்சை, புஞ்சை, திட்டு, திடல், தோப்பு, ஆறு ஆகியவைகளால் குறிப்பிடப்பட்டுள்ளன. மேலும் குழிக்கல், குத்துக்கல், எல்லைக்கல், சக்கரக்கல் ஆகியவைகளும் ஆலமரம், புளியமரம், பழைய கோட்டை, மக்களது பயன்பாட்டிலிருந்த பெரு வழிகள் ஆகியவைகளும் இந்த எல்லைகளாக இடம் பெற்றுள்ளன.
தேனி மாவட்டம் அ.வாடிப்பட்டி மற்றும் முதலக்கம்பட்டியை ஆண்ட குறுநில மன்னர்கள் தங்கள் பெயர் பொறித்த கல்லை அவர்களுடைய எல்லையில் நட்டு வைத்துள்ளனர். 
புதுக்கோட்டை மாவட்டம் சித்தனவாசல் அருகே உள்ள கந்தர்வக்கோட்டையில் தமிழ் மற்றும் ரோமன் எண் கொண்ட மைல் கல் லும், தஞ்சாவூர் மாவட்டம் செங்கிநாயக்கன்பட்டியில் தமிழ் மற்றும் அரபி எண் கொண்ட மைல் கல்லும் கண்டுபிடித்துள்ளனர் வரலாற்று ஆய்வாளர்கள். இந்த மைல்கற்கள் 18 ஆம் நூற்றாண்டில் சாலை அளவீட்டு முறை நடைமுறைப்படுத்தப் பட்டுள்ளதை குறிக்கிறது. தஞ்சாவூர் மற்றும் புதுக்கோட்டைப் பகுதியில் தமிழ், ரோமன் மற்றும் அரபி ஆகிய மொழிகள் பயன்பாட்டில் இருந்தது தெரிய வருகிறது.

.